Аксубайда Республика көне уңаеннан шахмат турниры узды

Интеллектуаль спорт төрен сөючеләр Яшьләр үзәгендә җыелды. Кискен көрәштә Тимур Крайнов җиңү яулады. Икенче урында – Геннадий Горбунов. Өченче урынны Алмаз Камилов алды.

Призерларны районның яшьләр канаты лидеры Чулпан Хәнифова җылы котлады һәм яшьләр эшләре һәм спорт бүлегеннән Грамоталар һәм медальләр тапшырды.

– Бу ярышлар районда 2000 елдан бирле үтә, – дип билгеләп үтте районның шахмат мәктәбе җитәкчесе Геннадий Горбунов. – Кызыклы фактлар: турнирның беренче җиңүчесе Юрий Сухалов була. Республика көне хөрмәтенә ярышларда күпсанлы җиңүләргә Михаил Водышев ирешә. Ә Тимур Крайнов бу турнирда беренче тапкыр җиңү яулады.