Аксубайда ишегалды бәйрәме күршеләрне берләштерде
Пролетар урамындагы 52 нче йорт ишегалдында бу йортта гына түгел, бөтен тирә-якта яшәүчеләрне җыйган якты бәйрәм булды.
Җыелучыларны район мәдәният бүлеге җитәкчесе Алексей Тимирясов сәламләде.
– Аксубай районында ТР Рәисе ярдәме белән ишегалларын төзекләндерү программасы узды һәм аның инициативасы белән быел ишегалды бәйрәме, күршелек, Татарстанда җәй кебек чаралар уза, – дип билгеләп үтте ул. – Бәйрәм белән котлыйм, артистларыбыз белән бергәләп кәефегезне күтәрүегезне телим.
Район мәдәният йорты хезмәткәрләре халык өчен бай программа әзерләделәр. Өлкәннәр викториналарда рәхәтләнеп катнаштылар һәм концерт программасын карадылар. Балалар уен мәйданчыгында актив уеннар белән мәшгуль иде.
Бәйрәмне артистларның чыгышлары бизәде – җыелучылар алдында Илхат Фәизов, Василий Воронин һәм Сергеевка авылыннан килгән “Пилеш” коллективы чыгыш ясады.
Бәйрәм атмосферасы чыннан да җылы һәм дустанә иде. Халык биеде, күңел ачты һәм аралаша, яхшы күршелек мөнәсәбәтләрен ныгытты.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев