Аксубайда йорт этләре иректә йөри
Хайван хуҗалары, алар китерә торган куркыныч турында уйламыйча, үзләренең этләрен капкадан урамга чыгарып җибәрәләр.
Редакция хезмәткәре бүген Березовская урамында шундый ачулы эт һөҗүменә дучар булды. Әмма аның урынында башка кеше, хәтта яклаучысыз бала да булырга мөмкин бит. Этнең хуҗалы икәне күренеп тора, муенчагы бар. Хатын-кызны хайван тешләвеннән үтеп баручы машина коткарган.
Бу этнең хуҗасын белүчеләрнең редакциягә 2-77-56 телефоны аша хәбәр итүегезне сорыйбыз.
Безнең хезмәткәр куркудан хайванны телефонга төшереп өлгергән – ул берничә секунд эчендә сөйкемле эттән кинәт ачулыга әйләнгән.
Эт асраучы хуҗаларга җавапсызлык өчен штраф салына. Бу фактны без, әлбәттә, барлык инстанцияләргә хәбәр итәчәкбез һәм бу эшнең җавапсыз калмавын тәэмин итәргә тырышачакбыз.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев