Аксубайда аномаль салкында ничек район тормышын катлауландырмаска дигән мәсьәләләр каралды

Халыкның куркынычсызлыгын һәм аномаль һава шартларында тереклекне тәэмин итү системаларының тотрыклы эшләвен тәэмин итү буенча өстәмә чаралар турындагы мәсьәләләр каралды.

ТР МЧС мәгълүматлары буенча, 2023 елның 8 декабреннән 13 декабренә кадәр Татарстан Республикасы территориясендә башта циклонның тыл өлеше, аннары арктик антициклон тәэсирендә һава температурасының сизелерлек түбәнәю һәм аномаль-салкын һава урнашу көтелә. 7 декабрьдә республикага арктик аз болытлы антициклон таралачак. Беренчел фаразлар буенча, бу антициклонның йогынтысы, ким дигәндә, 13 декабрьгә кадәр сакланачак. Төнге сәгатьләрдә һава температурасы -23 -29°ка кадәр, аерым районнарда -34°ка кадәр түбәнәя, көндез һава температурасы -20 -25°тан югарырак булмас дип фаразлана.
Тәүлеклек уртача температура нормадан 10-20 градус түбәнрәк булачак. Фаразлана торган куркыныч метеорология күренешләренә бәйле рәвештә энергетика һәм торак-коммуналь хуҗалык объектларында (су үткәргеч һәм канализация челтәрләре, җылылык, электр энергиясе системалары) һәлакәтләр барлыкка килү ихтималы арта. Шулай ук техноген янгыннар һәм кешеләрнең ис газы белән агулану ихтималы арта. Халык арасында туңу һәм өшү очраклары булу ихтималы бар.

– Килеп туган шартларда ягулык-энергетика комплексы, торак-коммуналь хуҗалык һәм транспорт комплексы объектларына аерым югары игътибар таләп ителә, – дип билгеләп үтте Станислав Зайцев.

Тормышны тәэмин итү системаларының тотрыклы эшләвен тәэмин итү максатларында Гадәттән тыш хәлләрне бетерүне кисәтү һәм янгын куркынычсызлыгын тәэмин итү комиссиясе тәкъдим итә:

1. Авыл җирлекләре башлыкларына, идарәче компанияләр, предприятиеләр һәм оешмалар җитәкчеләренә:

-тормышны тәэмин итүнең барлык системаларының һәм социаль өлкә объектларының, коммуналь хезмәтләрнең, җылылык һәм энергия белән тәэмин итү системаларының өзлексез эшләвен тәэмин итүгә өстәмә чаралар күрергә;

-торак йортларга һәм социаль инфраструктура объектларына җылылык һәм электр энергиясен өзлексез бирүне тәэмин итәргә һәм бу эшне тикшереп торуны оештырырга;

- матди-техник чаралар резервларын, шулай ук социаль өлкә объектларында электр белән тәэмин итүнең резерв чыганакларын файдалану өчен, аларны әзерлектә тоту чараларын күрергә;

- ТКХ объектларында авария-торгызу эшләрен кыска вакыт эчендә башкару һәм социаль әһәмиятле объектларны саклау өчен бүлекчәләрнең әзерлеген тикшерергә;

- аномаль түбән температура шартларында үз-үзеңне тоту кагыйдәләре һәм өлкән яшьтәге кешеләрне һәм балаларны саклау буенча чараларны үтәү турында халык арасында аңлату эшләрен көчәйтергә;

Түбәндәгеләрне тәэмин итәргә:

- аварияләр килеп чыкканда, аларны кыска вакытта төзәтү өчен бүлекчәләрнең әзерлеген тикшерүне;

-кышкы чорда янгын гидрантларын, торак пунктларга, объектларга, торак йортларга һәм янгынга каршы тышкы су белән тәэмин итү чыганакларына юлларны кар һәм боздан вакытында чистарту буенча эшне башкаруны;

-халыкка янгын куркынычсызлыгы чаралары турында мәгълүмат бирүне;

-коммуналь хезмәтләрнең яшәешне тәэмин итү системаларында аварияләрне бетерүгә даими әзерлеген;

-тормышны тәэмин итү системаларында аварияләрне бетерү чорында коммуналь комплекс предприятиеләре диспетчерлык хезмәтләренең үзара хезмәттәшлеген тикшереп торуны;

2. Районның мәгариф бүлеге җитәкчесенә түбән температуралар чорында мәктәп укучыларының уку процессын туктатып тору мәсьәләсен карарга тәкъдим ителде. Мәктәп автобусларының юлда ватылып калу ихтималы килеп чыгарга мөмкин булган авыл мәктәпләренә аерым игътибар бирергә кирәк.