Аксубай ветеринарлары котыру авыруын кисәтә

Мөгезле эре терлекләргә лептоспирозга каршы планлы вакцинация үткәргәннән соң, ветеринарлар, ике атналык вакциналь интервалдан соң, котыру кебек куркыныч авыруга каршы вакцинация ясауга керештеләр. Бу этапта районның авыл хуҗалыгы һәм крестьян-фермер хуҗалыкларында мөгезле эре терлекләр һәм атлар котыру авыруына каршы эшкәртелергә тиеш.

– Котыру – терлекләр һәм кеше өчен аерым куркыныч авыру, – дип билгеләп үтте район ветеринария берләшмәсе җитәкчесе Рәис Хөснуллин. – Аны дәвалау чаралары эшләнмәгән. Иң мөһиме – вакцинация ысулы белән авыруны профилактикалау.

Котыру авыруына каршы вакцинацияне дәүләт ветеринария хезмәте белгечләре бушлай ясый.