Аксубай ветеринария табиблары хайваннар һәм кошларның аеруча куркыныч авырулары буенча эпизоотик иминлекне саклап калдылар

 Авыл хуҗалыгы маллары һәм кошлары авыруларын профилактикалау буенча зур эш башкарылган.

Агымдагы чорда мөгезле эре терлекләрнең баш саны себер түләмәсе, эмкар, котыру авыруы, лептоспироз, нодуляр дерматитка каршы вакцинацияләнгән, туберкулез, бруцеллез һәм лейкоз буенча тикшерелгән.

Ветберләшмә белгечләре себер түләмәсе һәм котыру авыруына каршы профилактик максат белән яшь терлекләрне эшкәрткәннәр һәм бруцеллез буенча тикшеренүләр үткәргәннәр.

Шулай ук атларга себер түләмәсе һәм котыру авыруына каршы прививкалар ясаганнар, атларда бруцеллез, сап, очраклы авыру һәм инфекцион анемия өчен кан тикшеренүләре үткәргәннәр.

Кыргый хайваннарның котыру авыруына каршы 10800 доза вакцина куелган. Болар барысы да район территориясендә эпизоотик иминлекне сакларга мөмкинлек бирәчәк.