Аксубай үзәк район хастаханәсенә грипптан һәм коронавирустан вакцина кайтты

Гриппка каршы вакцина Аксубай үзәк район хастаханәсенә кайтты һәм теләүчеләрне сырхауханәнең 5 кабинетында көтәләр.

Шул ук вакытта коронавирус инфекциясе белән авыручылар саны да арта. Узган атнада 14 очрак теркәлгән.

Эшлекле дүшәмбедә район үзәк хастаханәсе баш табибы Марсель Ислямов хәбәр иткәнчә, covid-19 авыруының 12 очрагы – җиңел формада, икесе уртача авырлыкта уза. Барлык авыручылар да прививка ясаткан.

Коронавирус очраклары дулкыны көчәя һәм табиблар, прививка ясатып һәм массакүләм иммунитет булдырып, аның һөҗүмен кисәтергә киңәш итәләр.

Бүгенге көндә район үзәк хастаханәсендә коронавирустан да, грипптан да вакциналар җитәрлек.

Прививка ясау өчен прививка куйдыру кабинетына килергә кирәк. Эш вакыты: 8:00 сәгатьтән 15:00 сәгатькә кадәр.