Аксубай универсаль технологияләр техникумында Белем көнендә студентларга иген кырларында эшләгән өчен Мактау грамоталары һәм премияләр тапшырылды

Ә алар техникум студентлары өчен туган һәм күрше районнар басу-кырларында хезмәттә үтте. Чөнки уку йорты авыл хуҗалыгы тармагы өчен белгечләр әзерли. Ә аларга ихтыяҗның булуына шикләнергә туры килми, чөнки Белем көнендә иң алдынгы механизаторларны һәм пешекчеләрне котларга район башлыгы Камил Гилманов, ТР Спорт министрлыгы вәкиле Раиф Вафин белән бергә, Татарстанның эре агрохолдинг һәм район агрофирмалары җитәкчеләре дә килде.

Белем көне уңаеннан тантаналы линейка әләмнәр күтәрү һәм Гимннар башкарудан башланды. Әләмнәрне күтәрү хокуклары «Профессионаллар» һөнәри осталык буенча төбәкара Чемпионат призеры Степан Васильевка һәм баш эксперт-остаз Иван Узяковка, шеф-поварларның Халыкара кубогы көмеш призеры Лидия Евлеевага һәм эксперт-остаз Раиса Сидоровага, «Беренчеләр хәрәкәте» балалар һәм яшьләр Гомумроссия иҗтимагый-дәүләт хәрәкәте активисткасы Валерия Муляшкинага һәм тәрбия буенча директор киңәшчесе Татьяна Убейкинага бирелде.

–Бездә, универсаль технологияләр техникумыннан тыш, башка һөнәр ала торган бина юк, шуңа күрә һәрвакыт аңа ярдәм итәргә тырышабыз. Соңгы елларда техникум тышкы һәм эчке йөзен үзгәртте, биредә иң заманча җиһазлар. Сезнең директор – Фәрхат Фоат улы, алгы карашлы һәм республикада, илдә булган барлык алдынгылык сездә инде бар! – дип билгеләп үтте, АТУТ шәкертләрен һәм мөгаллимнәрен Белем көне белән котлап, район башлыгы Камил Гилманов. – Киләчәктә белем бирүнең һәм практиканың тулы циклын уку йорты бинасында уздыру өчен, алга таба ике яңа корпус төзергә планлаштырабыз.

АТУТ студентларына альма-матер белән генә бәхет елмаймады, шулай ук районда холдинг компаниясе һәм агрофирмалар да эшли һәм аларның белгечлекләренә бүген дә ихтыяҗ зур.

Тантаналы линейкада техникум директоры Фәрхат Аюповка гамәли-юнәлешле карашы, студентларны үстерүгә ярдәм итүе өчен Казан шәһәре һәм Татарстан рестораторлары һәм ательерлары ассоциациясеннән Рәхмәт хаты тапшырылды.

Әмма директор шунда ук бу – Майя Шакированың, Лидия Евлееваның хезмәте, дип төзәтте һәм аларга шәхси Рәхмәт хатлары һәм премияләр тапшырылды.
Спорт министрлыгы вәкиле Раиф Вафин АТУТ студентларын Татарстан Рәисе исеменнән яңа уку елы башлану белән котлады.

– Безнең барлык тормышыбыз – уку. Аның буенча атлау өчен кыенлыкларны үтәргә, үсешкә омтылырга һәм уңышлы булырга кирәк. Ә моның өчен укырга, осталыклар, һөнәрләр үзләштерергә кирәк, – дип билгеләп үтте Раиф Ришат улы. – Без сезгә ышанабыз һәм өметләнәбез!

Тантаналы линейкада имтиханнарга әзерләнүдә һәм үткәрүдә финанс ярдәме күрсәткән өчен агрохолдинг җитәкчелеге Адель Хөснуллин адресына бик күп рәхмәт сүзләре яңгырады.

«Чистополье» ХК башкарма директоры Иван Шугаев кадрлар белән ярдәм итүе өчен техникум җитәкчелегенә һәм коллективка рәхмәт белдерде.

–Студентлар бездә УКама арты зонасының барлык агрофирмаларында да эшләделәр. Сезгә, Фәрхат Фоат улы һәм Сезнең коллективка зур рәхмәт, без икенче елны Аксубай техникумы белән хезмәттәшлек итәбез. Бездә эшләр сезоны әле тәмамланмады, студентларны көтәбез һәм иң яхшы хезмәттәшлеккә ышанабыз, – диде Иван Шугаев. – Рәхмәт, егетләр, киләчәктә дә бергә эшләргә язсын.

Холдинг исеменнән ул «Чистополье» ХКның Аксубай районындагы “Аксу Агро” һәм Яңа Чишмә районындагы "Агрораздолье", “Чистопольский урожай” агрофирмалары кырларында уракта катнашкан студентларга Рәхмәт хатлары һәм акчалата премияләр тапшырды.

“Агрораздолье” җитәкчелеге исеменнән Иван Шугаев техникумның рус теле кабинеты өчен интерактив такта бүләк итте. Октябрь аенда ук студентлар практика вакытында үзләре сүтеп-җыйсыннар өчен техника җибәрергә вәгъдә итте.

Студентларны Белем көне белән “Волга-Селект” ҖЧҖ исеменнән Сергей Исаев котлады.

– Техникум җитәкчелегенә һәм егетләргә кыр эшләре сезоны дәвамында басу-кырларда куйган хезмәтләре, ярдәмнәре өчен рәхмәт, – дип билгеләп үтте идарәче.

“Волга-Селект” җитәкчелеге дә шулай ук предприятие кырларында эшләүдә аерылып торган студентларга акчалата премияләр тапшырды.

Уку йорты директоры Аксубай техникумын һәм районны данлаган студентлар һәм педагог-остазлар – Раиса Сидорова, Иван Узяков, Майя Шакирова, Лидия Евлеева, Степан Васильевларның уңышларын билгеләп үтте
Техникумның иҗтимагый тормышында актив катнашучы студентларны да билгеләп үттеләр.

– Безгә үз балаларын ышанып тапшырган ата-аналарга, укытучыларга рәхмәт белдерәсем килә. Сезгә Иван Николаевич, Альберт Марат улы Хөснуллинга һәм аның командасына эретеп ябыштыру производствосы буенча бирелгән җиһазлар өчен рәхмәт белдерәбез. Бу ярдәм ике миллион сумнан артык исәпләнә. Сезнең ярдәмегез аркасында безнең пешекчеләр Азия илләре арасында, ә ярышларда 84 ил катнашты, көмеш призерлар булдылар, – дип рәхмәт белдерде Фәрхат Аюпов. – Без район башлыгы Камил Гилмановка һәм Татарстан Рәисе Рөстәм Миңнехановка ярдәмнәре өчен рәхмәтле.

Кунакларга рәхмәт йөзеннән студентлар өйрәнү хуҗалыгы кырларында үстерелгән, яшь механизаторлар тырышып җыеп алган һәм булачак аш-су осталары бөтен күңелләрен салып пешергән яңа уңыш күмәчләрен алып килделәр.