Аксубай умартачылары проблемалар турында фикер алыштылар

Очрашуның төп темасы умартачыларның үзара хезмәттәшлегенең мөһимлеге һәм аграрийлар белән уртак карарлар эзләү турында булды. Соңгы елларда Россия кырларында күпләп рапс игелүе беркем өчен дә сер түгел. Бу культура аграрийлар өчен югары табышлы һәм искиткеч баллы да. Беренчеләре яхшы уңышка ирешү өчен пестицидлар кулланалар. Алар басуларны эшкәртү чорында бу хакта умартачыларга хәбәр итсәләр дә, биш километр радиуста оча алган бал кортлары барыбер үлә. Районда шуңа бәйле низаглы хәлләр килеп чыгуны кисәтү өчен, умартачылар проблеманы чишү юлларын умартачылар җәмгыяте аша табар өчен янә бергә җыелдылар.

Очрашуга аграрийлар, авыл хуҗалыгы һәм азык-төлек идарәсе вәкилләре һәм умартачылар җыелды.

Очрашуда катнашучыларны «Актай» ПК җитәкчесе һәм яңа гына умартачылык эшчәнлеге белән шөгыльләнә башлаган Ришат Сруртдинов сәламләде.

Ул умартачылар һәм аграрийларның дошман түгеллеген билгеләп үтте. Аграрийлар биопрепаратлар куллану тәкъдименә ризалашалар. Алар хәтта рапс уңышы бал кортларына бәйле икәнен аңлыйлар. Ләкин биологик препаратларның корткычларга карата нәтиҗәсе азрак. Ә аграрийлар өчен уңышны югалтмау мөһим.

– Агрофирма кырларында без эшкәртү чараларын төгәл үтибез һәм бал кортларының үлеменә юл куймау буенча мөмкин булганның барысын да эшлибез – умартачыларны кисәтәбез, эшкәртүне кояш баегач һәм бал кортлары ояларына әшйләнеп кайткач кына башлыйбыз, – дип уртаклашты Ришат Сруртдинов.

Район авыл хуҗалыгы идарәсе җитәкчесе Борис Соломонов һәм идарәнең җитештерү бүлеге башлыгы Усман Нигъмәтуллин басуларны эшкәрткәндә биопрепаратларга күчәргә кирәклеген, әмма эшкәртү срокларын һәм вакытларын үтәп кенә нәтиҗәгә ирешеп булуын тыңладылар һәм умартачылар белән килештеләр. Ләкин ул пестицидларга караганда күпкә азрак нәтиҗәле булачак. Аграрийларның бу юнәлештәге эше контрольдә тотыла дип ышандырдылар. Шулай да үзара аңлау бар.

Районда Динара Вафина җитәкчелегендәге умартачыларның иҗтимагый оешмасы да эшли башлады. Умартачылар билгеләп үткәнчә, аларның берләшүе умартачылык мәсьәләләрен һәм проблемаларын хәл итү юлында беренче һәм җитди адым. Хезмәтләргә һәм ведомстволарга бергәләп төшендерү җиңелрәк бит, умартачыларны бүген таныйлар, тыңлыйлар һәм инде ишетә башладылар.

Апиөйчекне – сәламәтлек йортын тәкъдир итү очрашуның күңелле мизгеле булды. Актайлылар аны умарталыкта төзүне күптән керткәннәр инде.

Кечкенә өйчектә ике сөзәк урнаштырылган, алар астында умарталар урнашкан, аларны ачкач, өйчек хуш ис белән тула. Кеше, ял иткәндә, бал кортларының вибрациясен һәм энергиясен сизә. Бу апитерапия иммунитетны арттыру, йөрәк-кан тамырлары системасын ныгыту, неврозларны дәвалау һәм башка күп кенә авырулардан котылуның идеаль чарасы дип санала. Әмма белгечләр консультациясе кирәк, чөнки аллергик реакцияләр дә булырга мөмкин.

– Идеяне узган ел гамәлгә ашырдык, мактаныр өчен түгел, ә бу сездә дә булсын өчен генә күрсәтергә теләдем, – дип уртаклашты умартачылар белән Ришат Сруртдинов.

Умартачылар өйчекне төзекләндерү турында үз фикерләре белән уртаклаштылар. Ә чәй табыны артында киләчәккә планнар кордылар, алар арасында баллы сезон тәмамланганнан соң Сабан туе оештыру нияте дә бар.