Соңгы яңалыклар
Аксубай техникумы студентлары Татарстан экологиясенә керткән өлешләре өчен бүләкләргә лаек булдылар
Казанда «Чиста булачак» яшьләр экология хәрәкәте фестивалендә Аксубай универсаль технологияләр техникумы студентлары Татарстан Республикасында экология хәрәкәтен үстерүгә керткән шәхси өлешләре, табигатьне саклау акцияләрендә һәм экологик агарту чараларында актив катнашулары өчен Рәхмәт хатлары алдылар.
Форум бөтен республикадан экоактивистларны берләштерде. Бу сезонда хәрәкәт 1488 чара үткәрде: 857 мәгариф акциясе, 365 табигатьне саклау акциясе, 52 агач утырту, 75 икенчел чимал җыю һәм 62 хайваннарны яклау акциясе.
Аксубайның «Ромашка» командасы 20дән артык проектта: «Территорияләрне яшелләндерү» (1500дән артык агач утырттылар), «Чәчәк ат, туган ягым!» (ел саен 45 меңгә кадәр үсенте үстерәләр), «Яшә, чишмә!» (чишмәләрне чүп-чардан чистарту). Экологлар балалар бакчаларына аңлату әңгәмәләре белән йөриләр, республика бәйгеләрендә җиңүләр яулыйлар.
Мондый саннар төбәк экологиясе өчен күмәк тырышлыкның кыйммәтен ассызыклый.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев