Аксубай тармак ветераннарын Халыкара хатын-кызлар көне белән социаль яклау бүлеге хезмәткәрләре котлады
«Нежность» халыкка социаль хезмәт күрсәтү үзәгенең өйгә барып хезмәт күрсәтү бүлеге хезмәткәрләре бик күркәм һәм мактаулы миссия башкардылар – үз карамакларында булучыларны Халыкара хатын-кызлар көне белән котладылар.
Социаль хезмәтләр алучылар – өйдә ярдәмгә генә түгел, ә тыгыз аралашуга да мохтаҗ булган өлкән кешеләр. Алар яз башлануына һәм 8 Мартның да алар өчен яраткан бәйрәмнәрнең берсе булуына сөенәләр. Бу көнне аларга үзләренең ярдәмчеләрен күрү, котлаулар, изге теләкләр ишетү һәм бүләкләр алу бик тә күңелле булды.
Социаль хезмәткәрләр – зур йөрәкле кешеләр, үзләренең тыгыз эш графигында да алар үз ветераннарын тәбрикләргә, аларга күтәренке кәеф бүләк итәргә вакыт тапканнар.
Следите за самым важным и интересным в Telegram-каналеТатмедиа
Нет комментариев