Аксубай шахматчылары Рәсим Баксиков белән очрашты

Мәктәп волейбол лигасының муниципаль этабы башланган көнне спорт залында шахмат турниры да узды. Кунаклар делегациясе белән бергә бирегә Рәсим Баксиков та килде, волейбол ярышлары тантаналы төстә ачылганнан соң, ул район шахматчылары янына килде. Шахматчыларның казанышлары белән кызыксынып танышты, район шахмат хәрәкәте лидерларының берсе – республика турнирларының күптапкырлы җиңүчесе һәм призеры Фаил Гафиятуллин һәм интеллектуаль ярышларның башка катнашучылары белән танышты. Рәсим Баксиков тренер Геннадий Горбуновка нәтиҗәле эше өчен рәхмәт белдерде, балаларга алга таба да шахмат спортында уңышлар теләде.