Аксубай районының тәрбиягә бала алган гаиләләре «Щелкунчик» боз тамашасы»н карадылар

Сәфәр турында «Игелек берлеге» җитәкчесе Алена Муртазина сөйләде.
– Бу чын симфоник оркестр озатуында Мәскәү артистларының Казанның «Татнефть Арена» боз өстендә искиткеч чыгышы булды. Без әле дә тәэсирләрдән айный алмый йөрибез, чөнки тамаша балаларда гына түгел, аларны озатып баручы өлкәннәрдә дә соклану тудырды, – дип хис-кичерешләре белән бүлеште Алена Владимировна. – Без «Терәк»-«Опора» Иҗтимагый файдалы хәйрия фонды һәм ТРның «Без бергә» РОО идарәсе рәисе Мансур Миңнәхмәт улы Хашимовка аксубайлыларга әлеге мәдәни-ял чарасын тамаша кылу мөмкинлеге биргәне өчен бик рәхмәтле.