Аксубай районында ул һәрвакыт урак өсте лидерлары арасында

Республика буенча да аның күрсәткече иң яхшылар арасында. Игенченең хезмәт стажы – 36 ел. Хезмәт биографиясе – кыска: мәктәп, СПТУ, «Үсәр» колхозы һәм «Аксу Агро» ҖЧҖе. –Тырыш , җаваплы , нәтиҗәле хезмәтчән, – дип сөйлиләр аның турында хуҗалык җитәкчеләре. Игенче һөнәрен ул, районда алдынгы комбайнчы булган әтисенә кечкенәдән ярдәм итеп, өйрәнеп үсә. Үзенең уллары үсә төшкәч, икмәк тәмен белсеннәр өчен, аларны да үзе белән кырга ала. Еллар дәвамында алар да әтиләренең ярдәмчеләре булалар.