Соңгы яңалыклар
Аксубай районында “Стоп коррупция!” дигән профилактик акция узды
Дәүләт автоинспекциясе «Форпост» формированиесе белән берлектә хокукый грамоталылыкны күтәрү һәм коррупциягә каршы көрәш чарасы оештырды.
Районның Дәүләт автоинспекциясе хезмәткәрләре, “Форпост” яшьләр формированиесе үзәге җитәкчеләре һәм катнашучылары белән берлектә, “Стоп коррупция” исеме астында профилактик акция үткәрделәр. Чараның төп максаты булып актив гражданлык позициясен формалаштыру һәм юл хәрәкәтендә катнашучыларның хокукый белемен күтәрү тора.
Акция кысаларында юл хәрәкәтендә катнашучыларга, сумма күләменә бәйсез рәвештә, ришвәт биргән өчен җинаять җәзасы каралуы турында искә төшерделәр. Һәр машина йөртүче белән коррупциягә каршы көрәшкә юнәлтелгән аңлату әңгәмәсе үткәрелде. Дәүләт автоинспекциясе хезмәткәрләре игътибарны ришвәт бирү һәм алуның иң киң таралган һәм куркыныч икътисадый җинаятьләрнең берсе булуына юнәлттеләр.
Акция барышында йөртүчеләргә коррупциягә каршы көрәш мәсьәләләре буенча тематик буклетлар һәм белешмәлекләр таратылды. Катнашучыларга шулай ук Аксубай районының коррупциягә каршы тору эшен координацияләү комиссиясе әзерләгән календарьлар, блокнотлар, брелоклар һәм коррупциягә каршы символика белән ручкалар тапшырылды.
Коррупциягә каршы көрәш мәсьәләләре буенча район башлыгы ярдәмчесе Эльмира Крайнова билгеләп үткәнчә, мондый чаралар гражданнарның хокукый белемен күтәрүгә һәм җәмгыятьтә коррупция күренешләренә каршы тору мохитен булдыруга ярдәм итә.
Татьяна Мартынова фотосы.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев