Аксубай районында сайлау участогында беренче тапкыр тавыш бирүчегә бүләк тапшырдылар
Яңа Үзи авылында яшәүче унтугыз яшьлек Инсаф Мәгыйзов өчен бердәм тавыш бирү көне гомер буе истә калачак.
Аны сайлау участогында көттеләр, чөнки 19 яшьлек егет бүген беренче тапкыр тавыш бирде.
– Аксубай универсаль технологияләр техникумында укыйм, әлбәттә, районда эшләвемне дәвам итәчәкмен һәм авыл язмышы миңа битараф түгел, – дип уртаклашты Инсаф. – Авыл тормышын яхшы якка үзгәртә алуына ышанган кеше өчен тавыш бирдем.
Яшь кеше үзенә игътибар күрсәтүдән бераз оялды, шуңа күрә ул күп сөйләшеп тормады.
– Инсаф бик тырыш егет, безгә нәкъ менә авыл өчен җан аткан, авылда яшәргә хыялланган кешеләр кирәк. Ә без, үз чиратында, депутатлар корпусының яңа составы белән яшьләр өчен уңайлы шартлар тудырырга тырышачакбыз, – дип уртаклашты Беловка җирлеге башлыгы Илсур Мәхмүтов.
Ул Инсафка сайлаучы белешмәсен һәм участок сайлау комиссиясеннән истәлекле бүләк тапшырды.
Исегезгә төшерәбез, бүген Аксубай районында өстәмә сайлаулар дүрт сайлау участогында – Яңа Үзидә, Алексеевкада, Саврушата һәм Иске Кыязлыда уза.
Депутатлыкка кандидатлар өчен бүген 20.00 сәгатькә кадәр тавыш бирергә мөмкин.
Тавыш бирүдә үзе белән паспорты булган 18 яшьтән өлкәнрәк Россия Федерациясе гражданнары катнаша ала
Следите за самым важным и интересным в Telegram-каналеТатмедиа
Нет комментариев