Аксубай районында репрессиядән зыян күргән гаепсез якташларны хәтерлиләр

– Совет властеның авыр елларында Яңа Ибрайдан 60 тан артык кеше репрессияләнгән, – дип сөйләде җирле туган якны өйрәнүче Яңа Ибрай авылының ветераннар советы рәисе Шәүкәт Кәбиров. – Алар арасында авыл мулласының ярдәмчеләре, хәлле крестьяннар, кулаклар, сәүдәгәрләр булган. Без күп кенә документларны өйрәндек, аларны кулга алганнар һәм туган җирләреннән сөргәннәр.

Репрессияләнгән авылдашлар саны күмәкләшү башланган чорда – утызынчы елларда аеруча арткан. 1980-90 елларда аларны реабилитацияләгәннәр.
Яңа Ибрай авылы үзәгендә Хәрби дан мемориалында репрессияләнгән авыл халкының исемнәре язылган стела урнаштырылган. Авыл халкы аларны онытмый.