Аксубай районында мәдәният хезмәткәрләре өчен күчмә диспансерлаштыру узды

Иртә медицина бригадасының мәдәният учреждениеләре хезмәткәрләре өчен мөһим тикшеренүләр үткәрүеннән: артериаль кан басымын, буйны һәм авырлыкны үлчәүдән, анализлар өчен кан, гинекологик анализлар (хатын-кызлар өчен) алудан башланды.

– Диспансерлаштыру – ул авырулар куркынычын вакытында ачыклау һәм хроник авырулар үсешен булдырмау мөмкинлеге, – дип билгеләп үтте медиклар бригадасын җитәкләүче Аксубай үзәк хастаханәсе поликлиникасы мөдире Алинә Маланчева. – Сәламәтләнүгә беренче адым – үз организмыңны тикшерү, теге яки бу авырулар буенча куркыныч дәрәҗәсен бәяләү. Һәм әлбәттә, туклануга, шикәр, тоз һәм алкоголь куллануны киметүгә, менюда үсемлек азыгы өлешен арттыруга аерым игътибар бирергә кирәк.

Алинә Маланчева диспансерлаштыруда катнашучылар өчен файдалы лекциясе уздырды. Ул сәламәт туклану принципларына, шул исәптән «сәламәт тәлинкә» кагыйдәсенә аерым игътибар бирде, аның нигезендә тәлинкәнең яртысын яшелчә һәм җиләк-җимешләр, чиреген – аксымнар, тагын бер чиреген углеводлар алып торырга тиеш.

Мөһим саннар

Стационарларда үлемнең һәр бишенче очрагы алкогольне чиктән тыш куллану нәтиҗәләре белән бәйле.

2025 ел башыннан Аксубай районында диспансерлаштыруны халыкның 65 проценты узган инде. Ел ахырына кадәр өлкәннәр арасыннан 9271 кешене диспансерлаштыру планлаштырыла.

Тикшерү нәтиҗәләре буенча сәламәтлекләре белән проблемалары ачыкланган диспансеризация узган гражданнар участок терапевтларына өстәмә диагностикага чакырылачак.

Табиблар, гражданнарның сәламәтлекләрен кайгыртуда аларның вакытларын янга калдыру өчен, профилактик тикшерүләр уздыру өчен оешмаларга барырга әзер.

Диспансеризацияне индивидуаль тәртиптә дә, мәдәният хезмәткәрләре кебек коллектив белән дә узарга мөмкин. Моның өчен турыдан-туры поликлиника мөдиренә мөрәҗәгать итү дә җитә.

– Хастаханәгә барырга туры килмәве бик уңайлы, ыгы-зыгыда безнең элементар анализлар тапшырырга вакытыбыз юк, ә монда барысы да комплекслы, эш процессыннан аерылмыйча дип әйтергә мөмкин, – дип уртаклашты Наталья Куштукова. – Туклану турында бик күп файдалы нәрсәләр белдем һәм хәзер үз рационымны төзәтергә планлаштырам.

Аксубай районында диспансерлаштыру дәвам итә. Быел билгеле бер елларда 2007, 2004, 2001 елларда туган ... һәм 1985 елга кадәр һәр өч ел саен кешеләр тикшеренү уза алачак. 1985 елда туганнар һәм аннан өлкәнрәкләр һәр өч ел саен.