Аксубай районында күп балалы һәм өлкән яшьтәге кешеләрнең өйләрендә янгын турында хәбәр итә торган җайланмаларны тикшерәләр

Күзәтчелек эшчәнлеге бүлеге җитәкчесе урынбасары Александр Бибиков шәхсән үзе халыкка янгын куркынычсызлыгы кагыйдәләрен һәм автоном янгын кисәткеч җайланмаларны урнаштыруның мөһимлеген аңлата. Узган җомгада белгечләр, инде урнаштырылган датчикларның эшкә сәләтлелеген тикшереп, Беловка авыл җирлегенең өлкән яшьтәге кешеләрендә булдылар.

– Торак йортларда инде элек урнаштырылган датчикларның эшкә сәләтлелеген тикшердек, – дип билгеләп үтте белгеч. – Кызганычка каршы, датчикларда батареялар мәңгелек түгел, кайдадыр ул нәкъ менә шуның аркасында сафта булып чыкмады. Батареяларны вакытында тикшерергә, кирәк булганда туклану чыганагын алыштырырга тәкъдим итәбез. Ялгыз яшәүче әти-әниләр, әби-бабайлар турында кайгыртырга, торак йортның барлык бүлмәләре буенча датчиклар урнаштырырга кирәк. Һәм вакыт-вакыт аларның эшкә сәләтлелеген тикшереп алырга. Датчиклар урнаштырылган гына булып калмасыннар, ә реаль янгын куркынычы янаганда гадәттән тыш хәлләрне булдырмый калу турында хәбәр итсеннәр иде.