Аксубай районында билгесез солдатларны искә алдылар

Ел саен бу көнне Җиңү хакына үз гомерләрен биргән исемсез геройларны искә алалар.

Хәтер көне ветеран сугышчылар штабында батырлык дәресе белән башланды. ТИН укытучысы Анатолий Охотников Бөек Ватан сугышы вакытында, Әфган сугышында, Чечен вакыйгаларында солдатларның батырлыклары турында сөйләде. Балалар Бөек Ватан сугышында фашистларга каршы сугышкан һәм бүген Ватанны саклаган якташлары турында тормыштан яңа битләр ачтылар.

Яшь армиячеләр, дүртенче-унынчы сыйныфлар укучылары төрле гаскәрләр байраклары белән штаб янында тезелеп тордылар һәм колонна белән үзәк урам буйлап авыл паркына кадәр үттеләр. Тантаналы митинг Бөек Ватан сугышы солдаты һәйкәле янында узды.

Анатолий Охотников бу датаның календарьда әһәмиятен билгеләп үтте, Билгесез солдат көне – аның төп максаты үз иленең якты киләчәге өчен гомерләрен биргән исемсез сугышчыларның батырлыгы турында истәлекне мәңгеләштерү булуы турында сөйләде. Митингта катнашучылар сугышчылар һәйкәле итәгенә веноклар һәм чәчәкләр салдылар.

Фото: Савгач авылы ветераннар штабы архивыннан.