Аксубай районында алты мең гектардан артык мәйданнан игеннәр җыеп алынган

Район авыл хуҗалыгы һәм азык-төлек идарәсе мәгълүматларына караганда, 29 июльгә алты мең гектардан артык мәйданнан ашлык суктырып алынган. Бу – план күрсәткеченең 21 проценты. Кичәгесе көндә генә дә район игенчеләре мең гектардан артык мәйданнан бөртек суктырганнар. 24737 тонна көзге бодай суктырылган. Кичә комбайн экипажлары бункерлардан дүрт мең тоннадан күбрәк икмәк бирделәр. Уңдырышлылык гектардан 41,1 центнер тәшкил итә.