Аксубай районы сайлаучылары җирле хакимият органнары депутатларын сайлауда активлык күрсәтәләр

Тавыш бирү участоклары ябылуга биш сәгатьтән дә кимрәк вакыт калды. Сайлаучыларның активлыгы ачык. 15.00 сәгатькә, территориаль сайлау комиссиясе мәгълүматлары буенча, сайлауга килү 60 проценттан артык тәшкил итте.

– Сайлау участокларында барысы да штат режимында уза, – дип сөйләде ТИК рәисе Наталья Сорокина. – Халык сайлау участокларына килүен дәвам итә, сәламәтлекләре буенча сайлау участогына килеп тавыш бирә алмаган кешеләр өчен, сайлау законнарының барлык нормаларын үтәп, өйдә тавыш бирү оештырылды.