Аксубай районы мәдәният бүлеге яңа хезмәт автомобиле алды

Татарстанның мәдәният учреждениеләренә яңа хезмәт автомобильләре тапшыру тантанасында район башлыгы Камил Гилманов һәм мәдәният бүлеге җитәкчесе Алексей Тимирясов катнашты. Чара ТР Милли китапханә каршындагы мәйданда узды. Төбәк җитәкчесе район вәкилләренә күпмилләтле республиканың мәдәниятен үстерү буенча башкарган эшләре өчен ихлас рәхмәт белдерде.

– Мәдәният учреждениеләренең уңышлы эш нигезен сез – үз һөнәрләренең осталары тәшкил итә. Бу машиналар урыннарда бик кирәк. Бу автомобильләр Яңа ел алдыннан кечкенә бүләк булсын, – дип билгеләп үтте Татарстан Республикасы Рәисе Рөстәм Миңнеханов.