Аксубай районы Федоровка интернат-йорты ветераннары котлаулар кабул итте

Интернат-йорт директоры Надежда Никитина озатуында кунаклар корпусларда булдылар, ялгыз картларны һәм инвалидларны карау эшен оештыру белән таныштылар, учреждениедә яшәү өчен тудырылган шартларны бәяләделәр.

Актлар залында Халыкара өлкәннәр көненә багышланган бәйрәм концерты булды.

Бу уңайдан интернат-йортның бөтен коллективы, социаль учреждение хезмәткәрләре җыелды. Алмаз Мингулов аларны бәйрәм белән котлады.

– Хөрмәтле ветераннар, шәхсән үз исемемнән, актив һәм район халкы исеменнән, сезне Өлкәннәр көне белән котлыйсым һәм күп еллар дәвамында башкарган фидакарь хезмәтегез өчен рәхмәт белдерәсем килә, – диде ул. – Сезгә нык сәламәтлек, оптимизм, сезнең көндәлек тормышыгыз социаль көнкүреш шартларында узсын, көн саен шатлык һәм канәгатьлек китерсен!

Социаль учреждение коллективына Илдар Садриев тәбрикләү сүзләре белән мөрәҗәгать итте.

– Республика Спорт министрлыгы исеменнән ихлас күңелдән котлаулар кабул итегез. Бу сезнең киләчәк өчен куйган тырыш хезмәтегез өчен рәхмәт сүзләрен җиткерергә мөмкинлек бирә торган көн, – дип билгеләп үтте ул. – Сезгә бары иң изге теләкләрне генә җиткерәсем килә, сезнең интернатта уздырган көннәрегез яхшы хис-кичерешләр белән тулы һәм кызыклы булсын. Озын гомер һәм иминлек сезгә.

Бу көнне интернат-йортта социаль хезмәтләр алучыларның күңелле мизгелләре күп булды. Алар рәхәтләнеп концерт программасын карадылар, Лилия Мантованың һәм аның кызы Сафинаның җырларын аерым бер дулкынлану белән тыңладылар.

Өлкәннәр көнендә ветераннар Дәүләт Советы депутаты Фоат Вәлиевтан котлаулар һәм бүләкләр алдылар.