Аксубай районы башлыгы эшкуарлар белән очрашачак

Очрашу «Кече һәм урта эшмәкәрлек һәм шәхси эшкуарлык инициативаларын хуплау» милли проектын тормышка ашыру кысаларында узачак. Камил Гилманов белән эшлекле очрашуга пәнҗешәмбе, 17 августта, 15:00 сәгатьтә «Сувар» кафесына чакыралар.

Чара барышында Татарстан Республикасының кече һәм урта эшкуарлык субъектлары өчен дәүләт ярдәме турында мәгълүмат җиткереләчәк.

Спикерлар булып «Мой бизнес» үзәге, Фондның Экспортка ярдәм үзәге, Татарстан Республикасы Хезмәт, халыкны эш белән тәэмин итү һәм социаль яклау министрлыгының Аксубай муниципаль районында социаль яклау бүлеге һәм ТР Президенты каршындагы Эшкуарлар хокуклары буенча вәкаләтле вәкиллекнең Аксубай муниципаль районы бүлеге вәкилләре торачак.