Аксубай район хастаханәсендә коррупциягә каршы тору буенча киңәшмә узды

Чарада район башлыгының коррупциягә каршы көрәш мәсьәләләре буенча ярдәмчесе Эльмира Крайнова катнашты.

Әңгәмә барышында пациентларның һәм медицина персоналының хокукларын яклау механизмнары аңлатылды, шулай ук көндәлек эштә һөнәри этиканы саклауның әһәмияте ассызыкланды.

– Хакимият һәм медицина учреждениесе хезмәткәрләре арасында ачык диалог алып барырга кирәк. Бу хезмәттәшлек потенциаль коррупцион куркынычларны ачыклауга һәм профилактик чаралар эшләүгә юнәлдерелә, – дип билгеләп үтте Эльмира Крайнова.

Шулай ук медицина хезмәткәрләренә коррупциягә каршы законнарны бозган өчен җаваплылык төрләре һәм хезмәт бурычларын үтәгәндә ачыклык һәм намуслылык принципларын үтәү зарурлыгы турында искә төшерделәр.

Фото районның рәсми сайтыннан.