Аксубай пенсионеры тармак бүләгенә лаек булды

Бу югары бүләккә ул АПК системасында күпьеллык һәм фидакарь хезмәте белән лаек булды. Виталий Падимиров озак еллар дәвамында Куйбышев исемендәге колхозда машина йөртүче булып эшләгән. Ул елларда юлсызлык сәбәпле, йөкне билгеләнгән урынга кадәр илтеп җиткерү җиңел булмый. Ул үз эшенең чын остасы, җаваплы хезмәткәр була, йөкләнелгән бурычны җиренә җиткереп башкара.

Ветеранга бүләкне Савруш авыл җирлегенең киңәйтелгән утырышында район Башкарма комитеты җитәкчесе Алмаз Мингулов һәм район авыл хуҗалыгы идарәсе җитәкчесе Борис Соломонов тапшырдылар.