Аксубай музеенда тегү техникасы торгызылачак

“Һөнәрне яңарту: тегү техникасы” дип аталган проект 250 мең сум күләмендә грант алды.

–Проектның максаты – иҗат аша төрле яшь һәм социаль төркемнәрне берләштерү: яшьләр, өлкән яшьтәге кешеләр, хуҗабикәләр һәм сәламәтлеге мөмкинлекләре чикләнгән кешеләр, – ди музей директоры Наталья Куштукова. – Аларның күбесе ялгызлык һәм социаль читләшү проблемалары белән очраша. Без “Тегү традицияләре” музей студиясен булдыру профессионаллардан яңа һөнәрчелекне өйрәнергә генә түгел, ә үз продуктларын булдыру өчен кирәкле җиһазларга – сумкалардан алып шәхси дизайнлы уникаль текстиль экспонатларга кадәр ирешергә мөмкинлек бирер дип ышанабыз.

Проект авторы билгеләп үткәнчә, музейда балалар, шул исәптән “Хыял" социаль приютында тәрбияләнүчеләр өчен белем бирү чаралары үткәрү планлаштырыла. Студия кысаларында көнкүреш әйберләре – сөлгеләр, өстәл япмалары һәм каплау җиһазлары торгызылачак.

Фото туган якны өйрәнү музее архивыннан.