Аксубай мөгаллиме хезмәт юлын бер мәктәптә эшләүгә багышланган

Ул үзен бик бәхетле кеше итеп саный.

– Гомер буена бер коллективта, мәктәп минем өчен икенче гаиләм кебек – бу хакта бары хыялланырга гына мөмкин, – дип сөйли Татьяна Михайловна. – Мин үзем өчен башка язмышны күз алдына да китерә алмыйм.

– Күтәренке күңелле, аралашуга ачык Татьяна Михайловна һәрвакыт балалар даирәсендә булды, – дип сөйли белем бирү учреждениесе директоры Җәмилә Вәлиева. – Беркайчан да шәхси вакыты белән исәпләшмәде, укучыларның чираттагы теманы үзләштерүе аның өчен иң мөһиме булды. Математика кебек катлаулы фәнне барысының да бер үк дәрәҗәдә төшенә алмавын аңлап, алар белән аерым-аерым шөгыльләнде. Әмма мәктәп – уку процессы гына түгел, ул гражданинны тәрбияләү өчен дә җаваплы. Татьяна Михайловна безнең менә дигән сыйныф җитәкчебез дә иде, диләр безнең тәрбияләнүчеләр. Шуңа күрә дә аны балалар яратты һәм быел аның тәүге тапкыр 40 ел атлап кергән мәктәптән китүенә бик борчылдылар.

Әйе, гомерләрен укытучы һөнәренә багышлаган кешеләрнең аерым абруй казанулары очраклы түгел. Чөнки кеше тормышта нинди генә уңышларга ирешсә дә, монда Татьяна Ондикова кебек укытучылар мөһим роль уйный.