Аксубай көрәшчеләре мактау пьедесталының беренче баскычын яуладылар

Нурлатта Әфганстан сугышында хәрби бурычын үтәгәндә батырларча һәлак булган Миншакир Бакиров истәлегенә көрәш турниры 25нче тапкыр үткәрелә. Туган җирендә аның турындагы хәтерне кадерләп саклыйлар. Якташка багышланган спорт турниры да аның батырлыгы турында искә төшерә. Озак еллар дәвамында турнирда Аксубай көрәшчеләре уңышлы чыгыш ясыйлар. Бу юлы да алар уңышка ирештеләр. Илдус Камалов, Ильяс Вафин һәм Рияз Галимов – үз авырлык категорияләрендә җиңүчеләр булдылар, Сәет Сәйфуллин – өченче призер булды.