Аксубай китапханәсендә әниләрне котладылар

Бу көнне балалары белән әниләр хөрмәтле кунаклар булдылар. Залда бәйрәм мохите, яктылык һәм күтәренке кәеф хөкемсөрде. Китапханә хезмәткәрләре бәйрәмдә катнашучылар өчен кызыклы программа әзерләделәр.

Кунаклар күңелендә «Әни турында шигырьләр» шигъри подиумы, «Әни өчен бүләк», «Тынгысыз йөрәк» осталык дәресләре зур тәэсирләр калдырды, аларда һәр бала төрле төсләрне катнаштырып һәм үзенчәлекле йөрәк рәсемнәрен тудырып, үз сәләтен күрсәтә алды. Китапханәнең иң нәни кунаклары өчен тагын бер иҗат мәйданчыгы эшләде, анда балалар үз куллары белән матур открыткалар ясадылар. Балалар әниләр өчен җылы теләкләр, тәбрикләү сүзләре яздылар. Эшләнмәләр мәхәббәт һәм наз белән тулы сәнгать әсәрләренә әверелде. Бу көнне «Наз өләшә безнең әниләр» һәм «Әни! Дөньяда иң яхшы сүз!» дигән китап күргәзмәләре эшләде, катнашучыларның күпчелеге әниләр турындагы интерактив уеннарда катнаштылар.

Опекун һәм алмаштыручы гаиләләр клубы рәисе Алена Убакова җыелучыларны бәйрәм белән котлады, клубның актив әниләренә чәчәкләр бүләк итте. Ул үзәк китапханә коллективына һәм аның җитәкчесе Ирина Телешевага уңышлы хезмәттәшлек өчен рәхмәт әйтте. Тантаналы тәбрикләү күп балалы әниләрне бүләкләү, мәдәният волонтеры Дмитрий Полященко башкаруындагы музыкаль номерлар белән үрелеп барды.