Аксубай яшьләре өчен ГТО нормаларын тапшыру – гадәти эш
Өченче мәктәпнең спорт мәйданчыгында «Нежность» халыкка социаль хезмәт күрсәтү комплекслы үзәгенең көндезге ял итү төркемендә катнашучы мөмкинлекләре чикле яшьләр ГТО нормативларын тапшырдылар.
Физик үсеш үзенчәлекләре булган яшьләр өчен физик әзерлек буенча әлеге программа беренче тапкыр гына үткәрелми. Башта ук балалар бу сынаулар белән бик кызыксындылар. Тестларның кайбер төрләре аларга авырлык белән бирелде, икенчеләре җиңелрәк килеп чыкты һәм бу катнашучыларны шатландырды. ГТО операторы Алмаз Камилов һәм бүлекчә белгечләре һәркемгә зур игътибар белән карыйлар, аларда физик күнегүләргә, сәламәт һәм актив яшәү рәвешенә тартылу уятырга тырышалар. Физкультура программасының бурычы – мөмкинлекләре чикләнгән яшь кешеләргә үз көчләренә ышанырга ярдәм итү.
Төркемдә катнашучылар берничә нормативны үтәделәр. Шул исәптән: сыгылмалылыкка күнегүләр, озынлыкка сикерү. Егетләр турникта тартылуны үзләштерде. Алар бу күнегүләрне беренче тапкыр гына башкармыйлар, биремнәрне уңышлы үтәделәр.
Следите за самым важным и интересным в Telegram-каналеТатмедиа
Нет комментариев