Аксубай физкультурачылары бүләкләр алдылар

«Татарстан Республикасының физик культура һәм спортны үстергән өчен» Мактау билгеләренә спорт мәктәбе тренерлары-укытучылары Геннадий Леонтьев һәм Александр Лодоркин лаек булды.

Геннадий Леонтьев йөзү буенча тренер. Аның тәрбияләнүчеләре соңгы елларда йөзүдә зур казанышларга ирешәләр, зональ, республика ярышларында җиңүчеләр һәм призерлар булалар. Александр Лодоркинның футбол командалары шулай ук дәрәҗәле турнирларда район намусын лаеклы яклыйлар, яхшы әзерлек күрсәтәләр, аны республикада югары дәрәҗәгә чыгаралар.