«Аксу-Time» әдәби-туган як квесты Савгач мәктәбе укучыларын җыйды

Савгач мәктәбендә «Яшьләр өчен Пушкин картасы» мәдәни-агарту проекты кысаларында оештырылган чара күңелле үтте. Чараны Аксубай үзәк китапханә хезмәткәрләре Анна Артемьева һәм Елена Некрасова оештырдылар.

– Без үзебезнең район тарихы белән таныштырырга, кече ватаныбызның төрле почмакларына виртуаль сәяхәт итү мөмкинлеге тудырырга теләдек, – дип уртаклашты Анна. – Минемчә, бу бик шәп килеп чыкты.

Савгач мәктәбе укучылары биремнәргә мавыгып керештеләр, эрудиция һәм иҗади сәләтләрен күрсәтеп, хәл итү юлларын эзләделәр һәм Аксубай тарихыннан бик күп яңалыклар белделәр. Квест укучыларга якташ язучылар һәм районның күренекле шәхесләре биографиясеннән фактлар белән якыннанрак танышырга ярдәм итте, ә китапханәчеләрдән һәр катнашучыга бүләк әлеге чара турында истәлек булачак.

Фото: китапханә архивыннан.