2024 елга дәүләт йомгаклау аттестациясе расписаниеләре проектлары басылып чыкты

2024 елда БДИ боерыгы проекты нигезендә имтиханнарны вакытыннан алда тапшыру 22 марттан 22 апрельгә кадәр узачак, төп чор – 23 майдан 1 июльгә кадәр, өстәмә – 4-23 сентябрьдә.

Сынауларның төп чорын 23 майда география, әдәбият һәм химия буенча имтиханнар ачачак.

Рус теленнән дәүләт имтиханы (БДИ) 28 майда узачак, төп һәм профильле дәрәҗәләрдәге математикадан – 31 майда. Уртача гомуми белем турында аттестатларны үз вакытында бирү максатында мәҗбүри фәннәр буенча имтиханнар беренчеләрдән булып расписание проектында билгеләнгән.

Җәмгыять белеме буенча БДИ – 4 июньдә, тарих һәм физика буенча – 10 июньдә, биология һәм чит телләр буенча язма өлеш буенча 13 июньдә тапшыру планлаштырылган.

Информатика һәм чит телләр буенча телдән БДИ тапшыруга икешәр көн каралган.

ЕГЭ по Информатика буенча БДИны – 7 һәм 8 июнь көннәрендә, чит телләр буенча БДИның телдән өлешен 17 һәм 18 июнь көннәрендә үткәрү планлаштырыла.
20 июньнән 1 июльгә кадәр расписание проекты белән барлык фәннәр буенча да имтиханнарны үткәрү өчен резерв көннәр каралган.

9 сыйныф укучылары өчен төп дәүләт имтиханы, боерык приказына ярашып, шулай ук өч чорга бүленгән: вакытыннан алда (23 апрельдән 21 майга кадәр), төп (24 майдан 2 июльгә кадәр) һәм өстәмә (3 сентябрьдән 24 сентябрьгә кадәр).

2024 елда имтиханнар тапшыру кампаниясенең төп чоры, проект нигезендә, 2 июльдә тәмамланачак.