Полиомиелит турында онытма

Татарстан Республикасында халык арасында полиомиелит килеп чыгу очракларына юл куймау буенча чаралар үткәрү дәвам итә.

- 24 ноябрьгә Аксубай районында 184 кешегә вакцинация ясалган, - дип аңлатма бирде табиб-эпидемиолог ярдәмчесе Лола Крайнова. - 903 кеше ревакцинация үтте. Бу узган чорга планлаштырылганның 113 процентын тәшкил итә. Прививкалар ясау календаренә нигезләнеп, полиомиелиттан беренче вакцинация өч айлык вакытта ясала. Аннары 4,5 айда һәм 6 ай тулгач. Полиомиелит - ул үзәк нерв системасы зарарлану һәм организмның хәрәкәтләнү аппараты эшен тулысынча яки өлешчә бозуга китергән йогышлы вируслы авыру. Әлеге вируска каршы прививка ясалмаган (полиомиелитка каршы 3 тән ким прививка ясалган) балаларга бу авыруны йоктыру куркынычы яный.