Фәрит Мөхәммәтшин кулыннан

Яшь гражданнарга Дәүләт Советында паспорт тапшыру йоласы дүрт ел элек барлыкка килде. Татарстанның шәһәр һәм районнарыннан ундүрт яше тулган гражданнарны - уку алдынгыларын, төрле бәйгеләрдә җиңүчеләрне, олимпиадалар, спорт ярышлары призерларын, үз сыйныфы һәм мәктәбенең җәмәгать тормышында катнашкан актив малайлар һәм кызларны тантаналы чарага чакыралар. Быел барлык республикадан 14 яше тулган 34 укучы паспорт алу өчен Дәүләт Советына килде. Парламент башлыгы Фәрит Мөхаммәтшин яшь гражданнарны сәламләп, һәрберсенең кулын кысып паспорт тапшырды - бу вакыйга алар күңелендә гомер буена истә калачак, чөнки һәркем дә республиканың беренче затлары кулыннан паспорт алмый бит.