Авыл мәктәбендә бәйрәмне чуаш мәгърифәтчесе Иван Яковлев истәлегенә багышладылар

– Без чуаш мәгърифәтчесе Иван Яковлевның тууына 175 ел тулу турындагы вакыйганы игътибарсыз калдыра алмадык, – ди мәгариф бүлеге методисты Айгөл Хәмитова. – Өстәвенә, ул республикабызның Тәтеш районы Кошки-Новотимбай авылында туган һәм аның туган көне 25 апрель – Чуаш теле көне белән бәйле.

Сембер классик гимназиясен алтын медаль белән тәмамлаганнан соң, Иван Яковлев 1870 елда Казан университетының тарих-филология факультетына укырга керә. Университетның алдынгы укытучылары йогынтысында Иван Яковлев үз көчен һәм белемен туган, чуаш, шулай ук татар, мари һәм Идел буе һәм Уралның башка халыкларына хезмәт итүгә багышлый. Ул Идел буе һәм Уралның төрле почмакларыннан килгән чуаш, татар, мордва балалары өчен дистәләгән училищелар ача.

– Аның чуаш язуы һәм әдәбияты үсешенә керткән өлеше бәяләп бетергесез. Шулай ук аның исеме белән оригиналь алфавит булдыру бәйле, аның нигезендә чуаш телендә беренче әлифба басылган, – дип сәламләде чара кунакларын Ирина Васикова.

Бу бәйрәмгә районның барлык чуаш телен өйрәнүче мәктәпләрендә 4-11 сыйныф укучылары проектлар яздылар, мәгърифәтчегә һәм туган авыл яки мәктәп тарихына багышланган презентацияләр һәм тикшеренү хезмәтләре әзерләделәр.

Бәйрәмне оештыру өчен җаваплы булган Иске Савруш мәктәбе укытучысы Ирина Васикова коллегалары ярдәмендә мәктәп укучыларының мәгърифәтче исеме белән бәйле иң яхшы эшләре күргәзмәсен, шулай ук шигырь сөйләүчеләр конкурсын әзерләгән. Соңгысында хәтта кече звено укучылары да катнашты, бу бәйрәмгә аерым җылылык һәм гармония өстәде.

Шигырь укучылар конкурсында 1-4 сыйныфлар арасында Иске Ильдеряк урта мәктәбе укучысы Александр Никонов (укытучысы Марина Пикалова) һәм Егор Федоров (Иске Савруш урта мәктәбе, укытучысы Зоя Ярушева) җиңүче дип танылды; 5-8 сыйныфлар арасында иң күп баллны Ангелина Кириллина (Иске Ильдеряк урта мәктәбе, укытучысы Вера Ефимова), Кристина Ермолаева (Сөнчәле урта мәктәбе, укытучысы Луиза Мошкова), Данила Пильщиков (Иске Савруш мәктәбе, укытучысы Ирина Васикова) һәм Евгения Николаева (Савгачев урта мәктәбе, укытучысы Татьяна Романова) җыйды; 9-11 сыйныфлар арасында иң яхшы шигырь укучы дип Регина Павлова (Иске Савруш урта мәктәбе, укытучы Ирина Васикова) танылды.

Район чарасына әзерлек кысаларында Туган тел буенча дәрестән тыш эшчәнлекнең методик эшләнмәләре конкурсы да үткәрелде.

Беренче урын Иске Савруш урта мәктәбенең чуаш теле һәм әдәбияты укытучысы Валентина Валентиновна Захаровага бирелде. Икенче урында – Марина Николаевна Пикалова (Иске Илҗдеряк урта мәктәбе), өченче урында – Светимова Светлана Николаевнаның методик эшләнмәсе (Иске Тимошкино урта мәктәбе).

Барлык җиңүчеләр һәм хәтта призерлар да мәгариф бүлеге белгече Айгөл Хәмитова кулыннан конкурсларда һәм проектларда катнашучы сертификатларын һәм грамоталарын алдылар. Ләкин алар өчен төп бүләк – чуаш укытучысы Иван Яковлевич Яковлевның 175 еллыгына багышланган югары дәрәҗәдә үткәрелгән бәйрәм өчен рәхмәт сүзләре һәм танылу булды.

Конкурсантларны әзерләгән барлык укытучыларга районның чуваш иҗтимагый үзәге җитәкчесе Роза Чентаева туган телне, аның мәдәниятен һәм традицияләрен үстерүгә керткән өлеше өчен грамоталар тапшырды.