Сәламләү көнендә

Китапханә хезмәткәрләре районның өлкән кешеләре белән дә, кече яшьтәгеләр белән дә актив эшлиләр.

Күптән түгел балалар китапханәсендә Халыкара сәләмләү көненә багышланган чара үтте. Анда Аксубайның 3 нче мәктәбеннән 2 нче сыйныф укучылары катнашты. Балалар бәйрәм килеп чыгу тарихын игътибар белән тыңладылар, "38 тутый кош" мультфильмыннан өзек карадылар, теманы үз эченә алган табышмакларга җаваплар эзләделәр, сәламләу сүзләрен искә төшереп, бер-берсе белән аралаштылар. Ә үзәк китапханә хезмәткәрләре ЦСОНда ял итүчеләр өчен татар композиторы Сара Садыйкованың 110 еллыгына багышланган "Татар сандугачы" әдәби кичәсен оештырдылар.