Мәйдан чакыра

2 нче июль, якшәмбе көнне, район халкын Сабан туе мәйданы үзенә чакыра.

Сабан бәйрәме сәгать 10.00 да башлана. Традиция буенча бу көнне авыл хуҗалыгы алдынгыларын хөрмәтлиләр. Мәйданда шулай ук массакүләм уеннар, күңел ачулар оештырыла. Ат спортын яратучыларны Сабан туе ипподромы көтә, милли көрәш бәйрәмнең төп атрибуты булып тора. Ял итәргә килүчеләр район үзешчәннәре, милли үзәкләр оештырган бай концерт программасын рәхәтләнеп карый алачак, шулай ук карусель, сәүдә рәтләре эшли.