Кыш Бабайга багышланган бәйге

18 ноябрь көнне Аксубайда Кыш Бабайның туган көнен билгеләп үтәчәкләр.

Бу көнгә районның Мәдәният йортында үтәчәк шундый ук исемдәге бәйге дә билгеләнгән. Бәйге түбәндәге номинацияләрне үз эченә ала: яңа елга кулдан ясалган әйберләр - Кыш Бабайга бүләкләр, "без Яңа елны яратабыз" темасына рәсемнәр, иҗади конкурс - Яңа ел темасына багышлап шигырь уку, җырлар башкару, әкиятләрне сәхнәләштерү. Бәйге туры 18 ноябрь көнне Мәдәният йортында сәгать 10да башлана. Җиңүчеләрне бүләкләү 20 ноябрь көнне "Кыш Бабайның туган көне" театральләштерелгән тамаша вакытында булачак.