Баянчылар уңышы

Аксубай районы Мәдәният йортында баян дәресләре бирүче педагог Наилә Крайнова укучылары абруйлы бәйгедән чираттагы тапкыр җиңү белән кайттылар.

"Җырлы сандугач иле" ХХ Республика бәйгесе Әлмәт шәһәрендә узды. Бәйгедә Әлмәттән, Зәйдән, Бөгелмәдән, Лениногорсктан, Түбән Камадан, Азнакайдан, Нурлаттан, Сарманнан, Җәлил, Актүбә, Урыссу бистәләреннән, Теләчедән яшь музыкантлар көч сынашты. Наилә Крайнова укучылары ышанычлы чыгыш ясадылар. Дарина Маланчева өлкән төркемдә II дәрәҗә Лауреат булды, Ильяс Исмәгыйлев урта төркемдә дипломант исеменә лаек булды.