Аксубай чуашлары Самаренкинны хупладылар

Безнең районнан делегация Казанда Чуаш милли-мәдәни автономиясенең хисап-сайлау конференциясендә катнашты.

Аның эшчәнлегендә ТР Дәүләт Советы Рәисе Фәрит Мөхәммәтшин, Чуашстан Республикасы Дәүләт Советы Рәисе Валерий Филимонов, ЧНКА Президенты Николай Угаслов, Чуашстан Республикасының мәдәният министры Константин Яковлев һәм Татарстанның төрле районнарыннан делегацияләр катнашты.

Республикада исәп буенча өченче этник төркем булганга, чуаш халкы республиканың мәдәни, җәмгыяви һәм икътисади тормышында актив катнаша. Чуаш халкының мәдәниятен саклау һәм үстерү, Татарстанда этникара килешү йолаларын саклау конференциянең хисап-сайлау нәтиҗәләренә бәйле.

ЧНКА рәисе вазифаларын вакытлыча башкаручы Евгений Морозов чыгышын тыңлаганнан соң, конференция автономия Советы әгъзаларын сайлауга кереште. ТРда ЧНКА рәисе итеп бертавыштан Дмитрий Самаренкин сайланды.

Ул - безнең районда билгеле булган меценат Анатолий Самаренкинның улы. Алар районга һәм Иске Мокшино авылына зур ярдәм күрсәттеләр. Дмитрий Анатольевич - дүртенче чакырылыш ТР Дәүләт Советы депутаты, Татарстан Республикасының дәүләт төзелеше һәм җирле үзидарәләр буенча Дәүләт Советы комитеты әгъзасы.

Өйләнгән, өч баласы бар.