Марк өчен хәйрия концерты

Районда өч яшьлек Марк Тимирясовка акча җыю буенча хәйрия акциясе дәвам итә.

Сабыйда катлаулы йөрәк өянәге - үпкә кан юллары клапаны юк, көпшә һәм ике үпкә кан юллары да ашказаныара бүлге кимчелеге белән.
Сабыйның йөрәгенә Россиядә ике операция салган инде. Тулы кыйммәтле тормыш белән яшәү өчен Маркка Германиядә операция таләп ителә. Asklepios Klinik Sankt немец клиникасы кардиохирургы Виктор Храшка Маркка операция ясарга әзер. Операция бәясе 43100 евро. Әнисе мөрәҗәгать иткән хәйрия фонды тарафыннан өч миллион сумнан артык акча җыелган. Бу сумма операция ясарга җитә, ләкин бит әле юлга, туклану һәм яшәү өчен түлисе бар. Тагын өч йөз мең сум тирәсе акча кирәк. Бүгенге көндә 170 мең сумнан артык акча тупланган. АШЫГЫЧ рәвештә 130 мең сум акча җыясы иде. Счетта шулкадәр сумма булмый торып - сабыйның әнисе Германиягә юлга чыгып китәргә документлар җыелмасын ала алмый.
Аксубай мәчетендә һәм православие чиркәвендә хәйрия ярдәме җыю тартмалары куелган. Православие динен тотучылар да, мөселманнар да Марк өчен Ходайдан ярдәм сорыйлар. Балалар сәнгать мәктәбенә йөрүчеләр Маркка ярдәм итәргә теләк белдерделәр. Алар 9 октябрьдә «Марк белән бергә» хәйрия концерты бирәчәкләр. Анда Бөтенроссия, республика бәйгеләре лауреатлары һәм Дипломантлары иң шәп хореография һәм вокал номерлары белән чыгыш ясаячак. Һәркем Маркка ярдәм итәргә тиеш - билетлар сатудан кергән барлык сумма Марк Тимирясовка тапшырылачак. Әгәр дә зал тулы була икән - счетка 60 мең сум акча күчәчәк.
Хәйрия концерты 9 октябрьдә, 16.30 сәгатьтә район Мәдәният йортында үтә, билет бәясе 200 сум.
Ул гына да түгел, балалар сәнгать мәктәбе укучылары «Стрекоза и Муравей" музыкаль постановкасын куеп, аны район үзәгендәге мәктәпкәчә учреждениеләргә йөрүче сабыйларга күрсәтергә планлаштыралар. Моннан җыелган акча да шулай ук Марк счетына күчереләчәк. Балагызга билет алып, Маркка авыруын җиңәргә булышыгыз!

Маркның әнисе - Владлена:
-Безнең йөрәк әрнүен ишетеп, матди һәм әхлакый ярдәм күрсәткән танышларга, таныш булмаган кешеләргә, акчаны счетка, банк картасына күчергән, шәхсән үзләре килеп тапшырган кешеләрнең барысына да бик зур рәхмәт. Безнең өчен Ходайдан ярдәм сораган, безнең өчен борчылган, җылы сүзләре, изге гамәлләре белән безгә ярдәм итәргә теләгән барлык кешеләргә рәхмәтебез чиксез. Үзегезгә дә, балаларыгызга да Ходай сәламәтлек бирсен!

Маркның әнисе - безнең Аксубай хастаханәсе табибы - Владлена Дмитриевна Тимирясова. Ул безнең балаларыбызны дәвалый. Без дә аңа аның бердәнбер сабыен - Маркны дәваларга ярдәм итик. Чит кеше бәласына битараф булмагыз - Маркка ярдәм кулы сузыгыз.
Акчаны Владлена Тимирясованың Саклык банкы картасына күчерергә мөмкин, карта номеры: 4276 8620 1927 5355. Шулай ук Мобильле банк аша да күчереп була. Моның өчен «ПЕРЕВОД 9397301909 сумма» сүзләре белән 900 номерына СМС җибәрергә. 9397301909 мобильле телефон номеры - Владлена Дмитриевна Тимирясованыкы. Җавап булып Сезгә ышаныч коды һәм Сез ясаячак операция реквизитлары СМС-хәбәр белән килә. Хәбәрдәге мәгълүматларны игътибар белән тикшерегез, әгәр ул дөрес икән, анда «перевести деньги Владлене Дмитриевне Т.» дигән хәбәр киләчәк, ышаныч кодын 900 номерына җибәрегез. Ярдәм кулы сузганыгыз өчен бик зур рәхмәт!