Иң яхшылары булырлармы

Республикада "Иң яхшы билингваль балалар бакчасы" бәйгесе старт алды.

2016 елның 25 маеннан график буенча Аксубай муниципаль районында бәйгенең беренче этабы уза, анда өч балалар бакчасы катнашачак. Ә нәкъ менә кайсылары икәнен җирәбә ачыклаячак. Бәйгедә республиканың 155 балалар бакчасы катнашачак. Сайлап алу нәтиҗәләре буенча 20 белем бирү оешмасы бәйге җиңүчеләре итеп танылачак һәм алар Татарстан Республикасының Мәгариф һәм фән министрлыгы дипломнары белән бүләкләнәчәк. Исегезгә төшерәбез, 2014 елда моңа охшаш бәйгедә - "Ләйсән" һәм "Буратино", 2015 елда "Радуга" балалар бакчалары җиңү яуладылар һәм грантлар алдылар.