Ир-егетләрне котладылар

Хәтта кечкенә авылларда да Ватанны саклаучылар көнен Мәдәният учакларында төрле чаралар белән билгеләп үттеләр.

Черемушка авылында да Ватанны саклаучыларга багышланган концерт булды. Концертка авыл кешеләре генә түгел, күрше-Емелькино һәм Иске Чуаш Адәмсуы авылларыннан да, шулай ук шәһәрдән авылга кунакка кайткан кешеләр дә җыелды. Тамашачыларны авыл мәдәният учагы базасында оешкан «Черемушка» вокаль төркеме тәбрикләде. Ансамбльдә чыгыш ясаучы хатын-кызлар Елена Исаева, Татьяна Иванова, Зинаида Копанева, Лидия Федотова, Альбина Фомина, Сергей Шашинга кушылып җырладылар.