Уңышка нигез салынган, яхшы нәтиҗә көтелә

Аның өчен Аксубай районындагы быелгы чәчү сезоны исәп буенча беренче. Агрофирма 21900 гектардан артык мәйдан били. Бу җирләр Яңа Аксубай, Кәкре Күл, Сөнчәле, Иске Татар Адәмсуы, Савруш, Урмандеево, Трудолюбово авыл җирлекләре территорияләрендә урнашкан – ярты районны алып тора диярлек.

– Чәчү буенча планлаштырылган барлык күләмне башкардык, – дип билгеләп үтте җитештерү буенча урынбасар – башкарма директор вазыйфаларын башкаручы Тәбрис Миначев. – Барлык оештыру моментлары да уңай хәл ителгән. Безнең хуҗалыкка күчкән яңа участокларның көздән эшкәртелмәвенә бәйле кайбер проблемалар булды, агрочараларны язын чәчү алдыннан үткәрергә туры килде. Бездә узган елларда элеккеге авыл хуҗалыгы предприятиеләрендә эшләгән барлык механизаторлар составы хезмәт куя. Бу тәҗрибәле, үз эшләрен белгән игенчеләр. Шуның белән бергә, яшьләр дә бар, алар кырлар белән таныш булмасалар да, эшне үзләштерәләр, җаваплы башкаралар.

«Аксу Агро» агрофирмасында чәчүне оптималь кыска вакыт эчендә башкарып чыкканнар. Тракторлар һәм аларга хезмәт күрсәтүчеләр ике сменада эшләгән. Сабан культураларын чәчүне дүрт чәчү комплексы башкарган. Алар составында Николай Герасимов, Владимир Ковряков, Евгений Маслов һәм Алмаз Мингалимов сменалап эшләгәннәр. Тагын ике чәчү комплексы белән төп предприятие вәкилләре идарә иткән.

Чәчү эшләрен уңышлы башкарып чыкканнар – 2000 гектардан артык – бөртекле сабан культуралары, 2200 гектардан артык – кукуруз, 8400 гектар көнбагыш чәчкәннәр, 2100 гектардан артык мәйданда күпьеллык үләннәр участокларын яңартканнар, 450 гектарда берьеллык үләннәр игелгән. Хуҗалыкта көзге культуралар 1702 гектар мәйдан били, белгечләр раславынча, алар кышны яхшы чыккан һәм яхшы үсеш алу дәвам итә. Уңышка нигез салынган, чәчүлекләрне тәрбияләргә калды һәм алга таба да нәтиҗәгә эшләргә кирәк.

– Яңгырлы һава торышы кыр эшләрен бераз тоткарлый, әмма бу вакытны да механизаторлар да, белгечләр дә бушка уздырмыйлар, – ди Тәбрис Миначев. – Җир уллары чәчүлекләрне химик эшкәртү буенча агрочаралар үткәрү өчен тагылма агрегатлар белән эшлиләр. Кырларны корткычларга, авыруларга һәм чүп үләннәренә каршы эшкәртүдә биш сиптерү агрегаты эшли. Аларга Линар Нуретдинов, Камил Хәсәнов, Алексей Малютенко, Илнур Тямаев, Николай Герасимов идарә итә.

Шулай ук механикалаштырылган бригаданың бер өлеше көзге культуралар өчен туфрак эшкәртүгә җәлеп ителәчәк, техниканы сөрүгә әзерлиләр. Уңыш язмышын басулардагы намуслы хезмәтләре белән кыр хезмәтчәннәре генә хәл итми, шулай ук агрономнарның исәпхисаплары һәм планнары да шундый ук зур әһәмияткә ия. Гомумән, аларның керткән өлеше сизелми дә кебек.

Бу көннәрдә хуҗалыкның агрономия хезмәте вәкилләре киеренке эшли: кабинетта өстәлләрдә документлар, карта, ноутбуклар: баш агроном Фәнис Хәмидуллин, агрономнар Хәлил Минапов, Илназ Мөхәммәтшин, Владимир Макаров, «Чистополье» ХК директорының милек буенча урынбасары Рушан Иштутов белән берлектә кырлардан мәгълүматларны чагыштыралар. Һәм бу да шулай ук уңышны формалаштыручы эш вакыты.