Уңыш – экваторда

Бүгенге көндә районда бөртекле культуралар мәйданнарының илле проценттан артыгы чаптырылган һәм суктырылган.

Уртача уңыш - бер гектардан 15,5 центнер. Хуҗалыклар арасында урып-җыю буенча "Аксубай" агрофирмасы алда бара. 13 августка монда планга карата эшләрнең 60 проценты үтәлгән. "Аксу Агро" агрофирмасы аннан беразга гына калыша. Шул ук көнгә аның күрсәткече - 52 процент. "Сөт иле Аксу" механизаторлары планны 40 процентка үтәгәннәр. "Актай", "Колос", "Сөлчә" хуҗалыклары да шул күрсәткечкә якынлашалар. Сүз уңаеннан, барлык хуҗалыкларда да көзге арыш һәм көзге бодай тулысынча җыеп алынган. Район хуҗалыклары бер үк вакытта азык хәзерләү эшләрен дә алып баралар.