Көзге чәчүлекләр

Ашыгыч эшләр белән беррәттән хуҗалыкларда кышкы культураларны чәчү бара.

Районда кышкы культураларга уналты мең гектар җир бүлеп бирелгән. Иң күп мәйдан - җиде ярым мең гектар җир "Сөт иле Аксу" ҖЧҖтенә туры килә. Бүгенге көндә әлеге күләмнең ике мең ярым гектары чәчелгән. "Аксу Агро", "Аксубай" АФ" игенчеләре көзге чәчүлекләр эшен тәмамлап киләләр, анда бүгенге көндә меңәрләгән гектар мәйданга көзге культуралар чәчелгән. Быелгы ашлыктан бушаган кырларга "Сөлчә" ҖЧҖ, "Актай" механизаторлары киләсе ел өчен иген чәчүгә керештеләр.