Көнлек норманы арттырып

Азык хәзерләү чоры - авыл хуҗалыгы предприятиеләре эшчәнлегендә иң җаваплы мизгелләрнең берсе.

Ә бит савым көтүенең продуктлылыгы азык хәзерләүчеләрнең ни дәрәҗәдә нәтиҗәле эшләвенә бәйле. "Сөт иле Аксу" агрофирмасында азык хәзерләүдә махсус мобильле бригада хезмәт куя. Уртак эштә Юрий Шишкинның да тырышлыгы зур. Печән чабу чорында аның агрегаты бер генә минут та туктап тормый. Бер сменада ул 300-350шәр тонна яшел масса чаптыра. Агрофирма җитәкчеләре КамАЗ шоферы Владимир Пятышев адресына да бары тик мактау сүзләре генә әйттеләр. Азык хәзерләү чорында ул Шишкин агрегатына хезмәт күрсәтте - ваклатылган үләнне сенаж базына ташыды. Механизаторлар фидакарь хезмәт куеп, көнлек норманы арттырып үтәде-ләр.